Віктару Казько Я ня быў У тым фашысцкім лягеры Між балот палескіх і дуброў, Дзе ўрачы, Страшней, чым п’яўкі прагныя, З Колькі Лецечкі смакталі кроў. Днямі гэнымі, Наскрозь прагорклымі Дымам, гарам, горам і журбой, Я ня быў між тых, чыёй крывёй Захлыналіся шпрыцы зь іголкамі. Дык чаму ж, На край наш родны гледзячы, На людзей, на дрэвы і траву, Мне здаецца, Што я з сэрцам Лецечкі, З хворым сэрцам Лецечкі жыву?..
–––––––––––– Колька Лецечка – гэрой аповесьці Віктара Казько «Суд у Слабадзе».
2000
|
|